Logo 2018

Waat ass de JOTA-JOTI?

De JOTA-JOTI ass ee Weekend deen all Joers vum Weltverband vun de Scouten (WOSM) organiséiert gëtt an dëst ass eng eemoleg Geleeënheet fir mat ronn 1,2 Millionen anere Guiden & Scouten aus iwer 150 Länner ronderëm d’Welt a Kontakt ze kommen.

Jamboree on the Air

Jamboree On The Air

Beim JOTA geet et drëms fir iwwert Funk mat aneren Guiden & Scouten a Kontakt ze trieden. Heifir gi verschidden Funkgeräter an Antennen mat Hëllef vun engem Amateurfunker opgeriicht a benotzt. Esou kann een sech op regionaler an internationaler Heischt mat anere Leit austauschen. Deen éischte JOTA war am Joer 1958.

joti

Jamboree On The Internet

Beim JOTI gëtt mat Hëllef vum Internet kommunizéiert. Heifir gi Computeren opgestallt wou d’Guiden & Scouten sech iwwert scouts-geschützten Methoden kenne austauschen. Den JOTI gëtt et zanter 1996.

Wéini ass de JOTA-JOTI?

De JOTA-JOTI Weekend ass all Joërs den 3. vollen Weekend am Oktober.

(Wann den Oktober mat engem Sonndeg ufängt dann ass et de 4. Weekend.)

 

Den Datum ass :   19. –  21. Oktober 2018

Wat brauch ech fir um JOTA-JOTI matzemaachen?

Fir dësen speziellen Event ginn verschidde Saache gebraucht ofhängeg dovun wat dir maache wëllt.

Generell fir um JOTA kënne matzemaachen braucht dir d’Hëllef vun engem Funkamateur deen eng Lizenz huet fir eng Funkstatioun ze bedreiwen. Hien huet och oft dat néidegt Equipement (Antenn, Funkgerät) a kann Iech guidéieren a weisen wéi de Funk funktionéiert a wéi d’Guiden a Scouten e kënne benotzen.

Fir de JOTI braucht dir generell nëmmen Internet an eenegermoosse performant Computeren. Fir iwwert Video-Chat mateneen ze kommunizéieren braucht dier dann och eng Webcam, e Mikrofon an Kopfhörer.

Fir um JOTA-JOTI matzemaachen musst dir iech eng Kéier bei eis umellen, fir dat mir iech eng Funklizenz ufroen. Natierlech maacht dier dat och bei ärem Verband, esou wéi dir all aneren Weekend och umellt.

Méi genau Spezifikatiounen fannt dir ob den Informatiounssäiten.

Newsletter

Wanns du interesséiert bass iwwert de JOTA-JOTI um Lafenden gehal ze ginn, da mell dech elo an ons Newsletter an!

Umellen