UKW 2m Frequenzen
Op dem 2m Band ginn traditionell während dem JOTA-Weekend Phonie-QSOen (Sprooch-funk) tëschent deene verschiddene JOTA Statiounen zu Lëtzebuerg gemaach, ënnert anerem fir d’Rätselen vum nationale JOTA-Spill ze léisen. Natierlech kann een hei och allméiglech aner Informatiounen austauschen.
Während dem JOTA-JOTI treffe mer eis national ob der Ruffrequenz 145.400 MHz an ginn de Guiden & Scouten Méiglechkeet sech am 25 kHz Spacing ronderëm des Frequenz auszetauschen. Fir et einfach ze halen, kann de Funkamateur zum Beispill a sengem Gerät folgend Frequenzen an enger Mémoire aspeicheren, sou dass d’Scouten net ongewollt op anere Frequenzen probéieren no JOTA-Statiounen ze ruffen. D’Frequenz 145.500 MHz soll och fräi gelooss ginn, well déi prioritär vu Funkamateuren als Mobil Uruff Frequenz benotzt gëtt.
| 145.300 MHz | JOTA Scout national (“100 rof”) |
| 145.325 MHz | JOTA Scout national (“75 rof”) |
| 145.350 MHz | JOTA Scout national (“50 rof”) |
| 145.375 MHz | JOTA Scout national (“25 rof”) |
| 145.400 MHz | JOTA Scout Call (“Uruff”) |
| 145.425 MHz | JOTA Scout national (“25 rop”) |
| 145.450 MHz | JOTA Scout national (“50 rop”) |
| 145.475 MHz | JOTA Scout national (“75 rop”) |
| 144.700 MHz | FM lokal Spill1 (e.g. fir Nuetsspill mat Handfunkgeräter oder fix Statioune mat klenger Leeschtung) |
| 144.725 MHz | FM lokal Spill2 (e.g. fir Nuetsspill mat Handfunkgeräter oder fix Statioune mat klenger Leeschtung) |
| 144.750 MHz | FM lokal Spill3 (e.g. fir Nuetsspill mat Handfunkgeräter oder fix Statioune mat klenger Leeschtung) |
| 144.775 MHz | FM lokal Spill4 (e.g. fir Nuetsspill mat Handfunkgeräter oder fix Statioune mat klenger Leeschtung) |
| 144.500 MHz | SSTV Call/Uruff |
Während dem JOTA sollen och fir normal QSOen (Kontakter mat anere Scout-Statiounen) d’Relais-Statiounen net benotzt ginn mee ëmmer nëmmen di Direkt-Frequenzen.
Déi national QST Emissioun fënnt all Joer op de Relais’en LX0LU an LX0HI statt.
UKW-Frequenzlëscht fir eraus ze drécken.
Kuerzwell
Op Kuerzwell ginn d’Frequenzen aus der folgender Lëscht prioritär vun den Scoute benotzt, wann dir also mat anere Scouten ee QSO wëllt maachen, probéiert mol op dëse Frequenze eran ze lauschteren oder CQ ze ruffen:
Hei nach déi international Guiden & Scouts Phonie Ruffrequenzen:
| 80 m | 3.690 & 3.940 MHz |
| 40 m | 7.090 & 7.190 MHz |
| 20 m | 14.290 MHz |
| 17 m | 18.140 MHz |
| 15 m | 21.360 MHz |
| 12 m | 24.960 MHz |
| 10 m | 28.390 MHz |
| 6m | 50.160 MHz |
Als Funkamateur sidd dir fir de Rëscht fräi mat ären Gruppen dat ze maachen wat dir hinne gäre wëllt weisen. Niewend normaler Phonie ass natierlech alles méiglech, ob SSTV, CW, RTTY, PSK31, ARDF, ATV, Sat …
Dokumenter fir eraus ze drécken: