Wat ass de Jota-Joti
De JOTA-JOTI ass e Weekend deen all Joers vum Weltverband vun de Scouten (WOSM) organiséiert gëtt an dëst ass eng eemoleg Geleeënheet fir mat iwwert 2 Millionen anere Guiden & Scouten aus iwwer 171 Länner ronderëm d’Welt a Kontakt ze kommen.
Wéini ass de Jota-Joti
De JOTA-JOTI Weekend ass all Joërs den 3. vollen Weekend am Oktober.
Wann den Oktober also mat engem Sonndeg ufängt dann ass et de 4. Weekend.
18. – 20. Oktober 2024
Et ass dann den 67. JOTA an den 28. JOTI
QST-Emissioun
D’QST-Emissioun (offiziell Ouverture hei zu Lëtzebuerg) gëtt iwwert dëse Site hei gestreamt a kann och op dësen 3 FM-Relais’en (145.700, 145.725, 145.5875 ) gelauschtert ginn.
D’Emissioun fängt um 16:00 Auer Lokalzäit un.
Nationalt Spill
Hei kann een d‘ JOTA-JOTI Spill vun 2021 erof lueden.
Umeldung fir de JOTA / JOTI
Du muss dech op eisem Site hei umellen fir um JOTA deel ze huelen fir dass mir d’Funkerlizenz ufroen.
och fir de JOTI eleng solls du dech umellen, da kënne mir däi Grupp an d’Lëscht vun de Participants androen.
Egal wéi muss du awer och de WE als Scoutsaktivitéit bei denger Federatioun déklaréieren.
Et ass recommandéiert, souwuel fir de JOTA wéi och fir de JOTI, dech beim Weltbüro unzemellen, do kriss du nämlech vill zousätzlech Informatiounen an och nach no dem JOTA-JOTI däin personnaliséierten Diplom.
Du kanns dech bis zum Ufank vum Event umellen, awer mir encouragéieren jiddereen sech sou séier wéi méiglech unzemellen.
Modell Programm fir ee JOTA-JOTI Weekend
Hei kann ee sech mol ee Modell-Programm fir de Weekend ukucken an eroflueden. Et kann een awer do och nach speziell Saache wéi eng Fuussejuegd, ATV, APRS, Bechsentelefon, etc, jee no Alterskategorie abauen. Wann dir méi Informatiounen oder Äntwerten op konkret Froen zu verschiddenen Aktivitéite braucht, zéckt net eis ze kontaktéieren.
Samschdes
14.00 Auer Arrivée & Installatioun
14.30 Auer carré mat instructiounen, Equipen opstellen, Posten erklären, Visite des lieux
15.00 Auer Roulement posten
Kuerzwellestatioun (weltwäit), UKW-Statioun (lokal / national), Kuerzwelle lauschteren, Feldtelefon, Béchsentelefon Morsetraining, Info JOTA & Modus operandi’s, QSL Kaarten & QTH locator & indicatifs, mat 1 Meter Drot eng fiktiv Antenn bastelen
16.00 Auer QST Emissioun, offiziell JOTA Ouverture zu Lëtzebuerg
16.30 Auer Suite Roulement Posten
17.30 Auer Nuetsiessen
18.15 Auer Concours: déi schéinsten Drotantenn
18.45 Auer Preparatioun Nuetsspill
19.00 Auer Nuetsspill ( mat Handy’en, respektiv PMR-Handfunken)
Gangsterjuegt, Marsmännercher empfänken, chasse au trésor
21.00 Auer Retour a waarme Choki
21.15 Auer 2m & Kuerzwellen-Statiounen funken oder nëmme lauschteren
23.30 Auer taps
Sonndes
07.30 Auer lever, laver
08.00 Auer Kaffi & Kuch
09.00 Auer jeu de ville ( Trajet Piste)
mat rätselhaften, verschlësselten an onbekannten Informatiounen dee nächste Punkt vum Trajet beschreiwen wou dann déi nei Enveloppe mat den nächsten Informatiounen läit! Eventuell kann eng Équipe um Posten mat Handy an Lexikon, etc. weiderhëllefen
11.30 Auer Kachen
12.15 Auer Iessen
13.30 Auer Funken, QSL Kaarten ausfëllen, Kontakter op Welt Kaart markéieren, nationaalt JOTA Spill opléisen a Rapport schreiwen
15.00 Auer Apaken, Raumen a Botzen
16.00 Auer chaîne des adieux
De Scout-Shop huet eng facebook-Säit.
Et gëtt och en Handbuch vum Weltbüro zum Thema JOTA / JOTI
dat kann een sech hei op franséisch oder op englesch erof lueden
